S’ha feito de nuei

Letra

S’ha feito de nuei
tú m’aguardas ya
lo peito me brinca
en tornarte a besar. 

Lo nuestro querer 
no se crebará, 
aunque charren muito 
y te fagan plorar. 

Yo no’n quiero bier 
güellos de cristal, 
mulláus por glarimas
que culpa no han. 

Escuita muller, 
dixa de plorar, 
yo siempre he estáu tuyo,
tú mía has d’estar. 

Dicen qu’un querer
ye de dos, no más, 
y que ye más fazil fer-lo caminar
cuando l’uno caye, l’otro a devantar. 
cuando l’uno caye, l’otro a devantar. 

S’ha feito de nuei,
tu m’aguardas ya, 
lo peito me brinca, 
te quiero besar!